پێش کەمێک دەنگی گەورەی بۆردومان ودرۆنەکان خەڵکی شاری هەولێر ڕاچەڵەکان، شارەکەی لەرانەوە .
هەر زوو هەواڵی دەنگی گەورەی تەقینەوەکان سۆشڵمیدیای تەنی .
تا ئێستا زانیاریی فەرمی لەسەر ڕووداوەکە کەمەو بەوردی نازانرێت کوێ گیراوەتە ئامانج و هێرشەکان لە لایەن کێوە بووە بە دیاریی کراوییو زەرەروزیانەکان چین .
هاوڵاتیەک کە نیشتەجێی شاری هەولێرەو بەقسەی ماڵەکەیان نزیکی کونسڵخانەیە لە فەیسبوکی خۆی نوسیوێتی : ” خەریکە ماڵەکەمان بەسەردا دەڕوخێ خوا هاوارە ” .
هاوڵاتیەکی تری نیشتەجێی هەولێر بۆ سایتی داکۆک وتی : دەنگەکە ئەوەندە گەورە بوو وامزانی ڕۆژی حەشرە ، مناڵەکانم لەترساندا ئەگرین ناوێرن بچنەوە ژورەکانی خۆیان بۆ خەوتن .
لە دوای حەوتی اکتۆبەری ساڵی ڕابردوەوەو ئاڵۆزبوونی ناوچەکە ناوە ناوە هەولێرو سەری ڕەش بەر هێرشی درۆنی گروپە چەکدارەکانی شیعەی عێراق سەر بە ئێران دەکەون .
